અનાજ દળવા માટે દરેક લોકોને ઘરઘંટીની જરૂર પડે છે. પરંતુ ગરીબી રેખા નીચે જીવતા લોકો પાસે પૈસાની કમી હોવાના લીધે તેઓ ઘરઘંટી ખરીદી શકતા નથી. આવા જરૂરિયાતમંદો માટે ખાસ ઘરઘંટી સહાય યોજના બનાવવામાં આવી છે.
ગુજરાત સરકાર દ્વારા શરૂ કરવામાં આવેલ આ યોજનાનો મુખ્ય હેતુ ગરીબ મહિલાઓને રોજગારી આપવાનો છે. ઘરઘંટી દ્વારા એ અનાજ દળીને પોતાના કુટુંબનું ભરણ પોષણ કરી શકે છે.
જે લોકોની ઉમર 16 થી 60 વર્ષ જેટલી હશે અને તેઓ બીપીએલ કાર્ડ ધરાવતા હશે તો તેમને ઘરઘંટી સહાય યોજનાનો લાભ મળવાપાત્ર છે.
શહેરી અને ગ્રામીણ વિસ્તારોમાં રહેતા બંને પ્રકારના લોકો આ યોજનાનો લાભ લઇ શકે છે. આત્મનિર્ભરતા અને રોજગારી માટે આ એક ઉત્તમ અને લાભકારી યોજના છે.
થોડા સમય પહેલા કેન્દ્ર સરકાર દ્વારા દરેક રાજ્યમા 50,000 થી વધુ લોકોને ઘરઘંટી મફતમાં આપવાની પહેલ કરાઈ હતી. જેનો લાભ ગુજરાત રાજ્યમાં રહેતા લોકો પણ લઇ શકે છે.
Ghar Ghanti Sahay Yojana 2024
દેશમાં બેરોજગારીની સમસ્યા દિવસે ને દિવસે વધતી જઈ રહી છે. જેના કારણે ગરીબી અને મોંઘવારી પણ વધે છે. આની અસર સહુથી વધારે આર્થિક રીતે પછાત વર્ગને થાય છે.
આ વાતને ધ્યાનમાં રાખીને કેન્દ્ર સરકાર દ્વારા ઘરઘંટી સહાય યોજના શરૂ કરવામાં આવી છે. આ યોજનાનો મુખ્ય ઉદ્દેશય એ જ છે કે આના દ્વારા ગરીબોને રોજગારીની તકો પુરી પાડવી.
આ યોજના દ્વારા નાણાકીય સહાય અથવા ઘરઘંટી મળી શકે છે. જેના દ્વારા અનાજ દળવાનું કામ ખુબ જ સરળતાથી થઇ શકે છે. આમાં લાભાર્થીને અન્ય જરૂરી સામગ્રી પણ ફાળવવામાં આવે છે.
સહાય યોજના માનવ કલ્યાણ યોજનાના અંતર્ગત શરૂ કરવામાં આવી છે. ગરીબોને પોતાની બેરોજગારી દૂર કરી સ્વ-રોજગાર મેળવવાની આમાં સોનેરી તક છે.
ઘરઘંટી સહાય યોજનાની માહિતી
વ્યવસાયિક અને આર્થિક રીતે પછાત વર્ગોને સહાય કરતી આ યોજના ઘણી લાભકારક છે. અત્યાર સુધી ગુજરાત સહીત ભારતભરના અનેક લોકો આ યોજનાનો લાભ લઇ ચુક્યા છે.
આની અરજી તમે નજીકના સરકારી કાર્યાલયમાં કરી શકો છો. સરકાર દ્વારા બહાર પાડવામાં આવેલા નિયમોમાં જણાવવામાં આવે છે કે, એક પરિવાર એક જ વાર આ યોજનાનો લાભ લઇ શકે છે. અહીં ઘરઘંટી સહાય યોજનાની મુખ્ય જાણકારી આપેલ છે.
| વિગત | માહિતી |
|---|---|
| યોજનાનું નામ | ગૃહ ઘંટી સહાય યોજના |
| લક્ષિત લાભાર્થીઓ | ગરીબી રેખા હેઠળના (BPL) કુટુંબોની મહિલાઓ |
| સહાયનું સ્વરૂપ | નાણાકીય રકમ સહાય |
| સહાયની રકમ | ઘંટીની કિંમતના 50% અથવા રૂ. 2000, જે ઓછું હોય તે |
| અરજી સ્થળ | સ્થાનિક તાલુકા પંચાયત કચેરી અથવા નગરપાલિકા |
| જરૂરી દસ્તાવેજો | BPL કાર્ડ, આધાર કાર્ડ, રેશન કાર્ડ, બેંક એકાઉન્ટની વિગતો |
| પ્રાધાન્યતા | અનુસૂચિત જાતિ (SC) અને અનુસૂચિત જનજાતિ (ST) સમુદાયની મહિલાઓ |
| લાભ મેળવવાની પ્રક્રિયા | અરજી મંજૂરી બાદ ઘંટી ખરીદી, બિલ રજૂ કરવું, બેંક ખાતામાં રકમ જમા |
| મુખ્ય ઉદ્દેશ્ય | ઘરમાં અનાજ દળવાની સુવિધા, સમય અને શ્રમ બચત |
| મર્યાદા | એક કુટુંબને માત્ર એક વખત લાભ |
ઘરઘંટી યોજના માટેના મુખ્ય દસ્તાવેજો
મોટાભાગની સરકાર તરફથી મળતી સહાય મેળવવા માટે અમુક જરૂરી દસ્તાવેજો હોવા જોઈએ. ઘરઘંટી સહાય યોજના માટે પણ નીચે દર્શાવેલા ડોક્યુમેન્ટ્સની જરૂર પડતી હોય છે.
(1) અનાજ દળવાની તાલીમનું પ્રમાણપત્ર
- લાભ મેળવવા માંગતી વ્યક્તિ જો અનાજ દળવાની પ્રક્રિયામાં યોગ્ય હશે, તેની પાસે પ્રમાણપત્ર હશે તો તેને આ લાભ આપવામાં આવશે.
(2) ચૂંટણી કાર્ડની નકલ
- વ્યક્તિના પુરાવા તરીકે ઘરઘંટી સહાય યોજના માટે ચૂંટણી કાર્ડની નકલ આપવી પડે છે.
(3) રેશન કાર્ડની નકલ
- દસ્તાવેજીકરણ માટે રેશન કાર્ડ ઘણું મહત્વનું છે. પુરાવાના રૂપે રેશન કાર્ડની નકલને પ્રસ્તુત કરવામાં આવે છે.
(4) જાતિ પ્રમાણપત્રની નકલ
- ચોક્કસ જાતિઓ અનુસૂચિત જાતિઓ માટે ઘરઘંટી સહાય યોજનાના વધારે લાભ છે. જેથી તમારે અરજી કરતા પહેલા જાતિના પ્રમાણપત્રની એક નકલ આપવાની રહેશે.
(5) આવકના દાખલાની નકલ
- જે ગરીબ પરિવારોની આર્થિક સ્થિતિ નબળી હોય તે લોકો ને જ આ સહાય યોજનાનો લાભ મળે છે. તેથી અહીં પોતાના વાર્ષિક આવકના દાખલાને રજૂ કરાય છે.
(6) બીપીએલ સ્કોર
- જો તમારા બીપીએલ કાર્ડમાં આંકડાઓ યોગ્ય હશે, તેના આધાર પર આ યોજનાનો લાભ મેળવી શકો છો.
(7) ગોલ્ડ કાર્ડ
- જેવી રીતે ગ્રામ્ય વિસ્તારોમાં બીપીએલ કાર્ડ હોય છે. એવી જ રીતે શહેરી વિસ્તારના લોકોને ગોલ્ડ કાર્ડ રજૂ કરવાનું હોય છે.
અન્ય જરૂરી દસ્તાવેજો
- સ્ત્રી વિધવા હોય તો વિધવા પ્રમાણપત્ર
- દિવ્યાંગ હોય તો તેનો તબીબી પુરાવો
- રહેણાંકનો પુરાવો
- શિક્ષણના પ્રમાણપત્રો
- જન્મનું પ્રમાણપત્ર
ઉપર દર્શાવેલા તમામ પ્રમાણપત્રો તમારી પાસે હોય તો તમે ઘરઘંટી સહાય યોજના માટે અરજી કરી શકો છો.
ઘરઘંટી સહાય યોજનાની ઓનલાઇન અરજી
હવે મોટાભાગની યોજનાઓના ફોર્મ ઓનલાઇન જ ભરાય છે. આ માટે તમે જાતે કોમ્પ્યુટરમાં અથવા સાયબર કેફેમાં જઈ ફોર્મ ભરાવી શકો છો. આ માટેની સચોટ પ્રક્રિયા અહીં રજૂ કરેલ છે.
- શરૂઆત માટે e-kutir.gujarat.gov.in વેબસાઇટ ખોલો.
- મુખ્ય પૃષ્ઠ પર, “કુટીર અને ગ્રામીણ ઉદ્યોગ કમિશનર” વિભાગ શોધો અને તેના પર ક્લિક કરો.
- ત્યાંથી, “માનવ કલ્યાણ યોજના” નામનો વિકલ્પ પસંદ કરો.
- હવે તમને અરજી ફોર્મ દેખાશે.
- ફોર્મમાં માંગવામાં આવેલી તમામ વિગતો કાળજીપૂર્વક ભરો.
- તમામ જરૂરી દસ્તાવેજો સ્કેન કરીને અપલોડ કરો.
- બધી માહિતી ચકાસ્યા પછી, “સબમિટ” બટન દબાવો.
- આ પ્રક્રિયા પૂર્ણ થતાં, તમારી અરજી સફળતાપૂર્વક નોંધાઈ જશે.
યાદ રાખો, માહિતી સચોટ અને સંપૂર્ણ હોવી જોઈએ. કોઈ મુશ્કેલી આવે તો, સરકારી હેલ્પલાઈનનો સંપર્ક કરવાનું ચૂકશો નહીં.
સંપૂર્ણ અરજી પ્રક્રિયા
ઓનલાઇન ફોર્મની સાથે સાથે અન્ય જરૂરી માહિતીના આધાર પર તમને ઘરઘંટી સહાય યોજનાના લાભ મેળવવામાં સરળતા રહેશે. તેથી અમે વિસ્તૃત જાણકારી અહીં દર્શાવેલી છે.
(1) અરજી ફોર્મ મેળવવું
- તમારા સ્થાનિક તાલુકા પંચાયત કચેરી અથવા નગરપાલિકા કચેરીમાંથી અરજી ફોર્મ મેળવો.
- કેટલીક જગ્યાએ ઓનલાઈન ફોર્મ પણ ઉપલબ્ધ હોઈ શકે છે.
(2) ફોર્મ ભરવું
- ફોર્મમાં માંગેલી તમામ માહિતી સંપૂર્ણ અને સાચી ભરો.
- તમારું નામ, સરનામું, મોબાઈલ નંબર, બેંક એકાઉન્ટની વિગતો વગેરે આપો.
(3) જરૂરી દસ્તાવેજો સાથે જોડવા
- BPL કાર્ડની નકલ
- આધાર કાર્ડની નકલ
- રેશન કાર્ડની નકલ
- બેંક પાસબુકની પ્રથમ પાનાની નકલ
- જાતિનું પ્રમાણપત્ર (SC/ST માટે)
- તાજેતરનો પાસપોર્ટ સાઈઝનો ફોટો
(4) અરજી જમા કરાવવી
- ભરેલું ફોર્મ અને જરૂરી દસ્તાવેજો સાથે તમારી સ્થાનિક તાલુકા પંચાયત કચેરી અથવા નગરપાલિકા કચેરીમાં જમા કરાવો.
- અરજી જમા કરાવ્યા બાદ રસીદ મેળવી લો, અને આને સાચવીને પોતાની પાસે રાખો.
(5) ફોલો-અપ
- તમારી અરજીની સ્થિતિ જાણવા માટે સમયાંતરે સંબંધિત કચેરીનો સંપર્ક કરો.
- જો કોઈ વધારાની માહિતી કે દસ્તાવેજની જરૂર હોય તો તે પૂરા પાડો.
(6) મંજૂરી મળ્યા બાદ
- અરજી મંજૂર થયા બાદ, સરકાર માન્ય વિક્રેતા પાસેથી ઘંટી ખરીદો.
- ખરીદીનું બિલ સંબંધિત કચેરીમાં જમા કરાવો.
(7) સહાય મેળવવી
- બિલ જમા કરાવ્યા બાદ, સહાયની રકમ તમારા બેંક ખાતામાં સીધી જમા થશે.
- યોજના હેઠળ મળેલી નાણાંકીય રકમ દ્વારા તમે ઘરઘંટી ખરીદી શકો છો.
ઘરઘંટી સહાય યોજનાના મુખ્ય લાભ
જે પણ લોકો ઘરઘંટી સહાય યોજનામાં અરજી કરવા માંગતા હોય તો, તેમને નીચે દર્શાવેલા ફાયદાઓ મળી શકે છે.
(1) આર્થિક રાહત
- સરકાર ઘરઘંટીની કિંમતનો એક ભાગ આપે છે.
- ગરીબ અને મધ્યમ વર્ગના પરિવારોને નાણાકીય બોજ ઓછો થાય છે.
(2) મહિલા સશક્તિકરણ
- મહિલાઓને રસોઈના કામમાં સરળતા મળે છે.
- તેમનો સમય અને શ્રમ બચે છે.
(3) સમયની બચત
- રસોઈ બનાવવામાં ઓછો સમય લાગે છે.
- બચેલો સમય અન્ય પ્રવૃત્તિઓમાં વાપરી શકાય છે.
(4) આરોગ્યલક્ષી ફાયદા
- તાજા પીસેલા મસાલા અને કઠોળનો ઉપયોગ થાય છે.
- તાજા સામગ્રીથી આરોગ્ય સારું રહે છે.
(5) જીવનધોરણમાં સુધારો
- આધુનિક સાધનોનો ઉપયોગ કરવાથી જીવનધોરણ ઊંચું આવે છે.
- ગરીબી રેખા નીચે જીવતા લોકો માટે લાભકારક છે.
(6) ઊર્જા બચત
- આધુનિક ઘરઘંટીઓ ઓછી વીજળી વાપરે છે.
- આનો ઉપયોગ કરવાથી લાઈટ બિલ ઓછુ આવે છે.
(7) ગ્રામીણ વિકાસ
- ગામડાંઓમાં પણ આધુનિક સાધનોનો ઉપયોગ વધે છે.
- પછાત વિસ્તારના લોકોને સારી સુવિધાઓ પ્રાપ્ત થાય છે.
(8) સ્વરોજગારની તકો
- ઘરઘંટી દ્વારા નાના પાયે ઉત્પાદન શરૂ કરી શકાય છે.
- અનેક મહિલાઓને આના દ્વારા સ્વરોજગાર પ્રાપ્ત થઇ શકે છે.
મહત્વના પ્રશ્નો (FAQ)
દેશની સરકાર પોતાની પ્રજાના કલ્યાણ માટે અત્યાધિક યોજનાઓ બનાવતી રહે છે. આવી યોજનાને લઈને લોકો પણ ઘણા ઉત્સાહી જોવા મળે છે. આ વિષયને અનુલક્ષીને લોકોમાં ઘણા પ્રશ્નો છે, જેમાંથી મુખ્ય સવાલોના ઉત્તર અહીં આપ્યા છે.
(1) પ્રધાનમંત્રી ઘરઘંટી સહાય યોજના શું છે?
દેશની ગરીબ મહિલાઓને અનાજ દડવા માટે અપાતી ઘરઘંટીની યોજનાને પીએમ ઘરઘંટી યોજનાના નામથી ઓળખવામાં આવે છે.
(2) ઘરઘંટી સહાય યોજનાનો મુખ્ય હેતુ શું છે?
આજના સમયમાં અનેક મહિલાઓ ગરીબી નીચે જીવન વિતાવી રહી છે. આવી મહિલાઓને રોજગાર આપવાના હેતુ સાથે આ યોજના શરૂ કરવામાં આવી છે.
(3) આ યોજનાનો લાભ કોણ લઇ શકે છે?
દરેક વર્ગની ગરીબી રેખા નીચે જીવતી અને બીપીએલ કાર્ડ ધરાવતી મહિલાઓ આનો લાભ લઇ શકવા માટે સક્ષમ ગણાય છે.
(4) ઘરઘંટી યોજના અંગેની મર્યાદા શું છે?
કોઈ પણ કુટુંબની એક મહિલા ફક્ત એક જ વાર આ યોજનાનો લાભ લઇ શકે છે. અન્યથા ફરીથી તે આના માટે અરજી કરી શકતી નથી.
(5) પીએમ ઘરઘંટી સહાય યોજના હેઠળ કેટલી નાણાકીય રકમ આપવામાં આવે છે?
યોજના હેઠળ ઘરઘંટીની ખરીદી ઉપર 50 ટકા જેટલી રકમ સરકાર તરફથી ફાળવવામાં આવતી હોય છે.
આશા કરું છુ ઘરઘંટી સહાય યોજના વિશેની તમામ જાણકારી તમને મળી ગયી હશે. પોસ્ટ પસંદ આવી હોય તો અન્ય લોકો સુધી પણ જરૂર પહોંચાડો.
